Куткаруу иштерин жүргүзүү үчүн окуя болгон жерге 13 тоо куткаруучусу жөнөтүлдү.
Куткаруучулар 200 метр тереңдиктен эки каза болгон кенчинин денесин чыгарып, укук коргоо органдарына өткөрүп беришти. Бир кенчи ийгиликтүү куткарылып, тез жардам бригадасына өткөрүлдү.
Ошондой эле газдан ууланган 18 шахтёр Баткен райондук ооруканасына жеткирилди, алардын абалы азыркы учурда канааттандырарлык деп эсептелет.
Куткаруу операциялары аяктагандан кийин ТЖМ кызматкерлери 40 метр тереңдикте тосмо орнотуп, өзүнүн туруктуу милдеттерине кайтып келишти.
