Укук коргоо органдары алдамчылыкка шектелген адамдарды кармап, учурда алар убактылуу кармоо жайында.
2025-жылдын 22-декабрында Бишкектин Свердлов районунун Ички иштер башкармалыгына 1948-жылы туулган Ч.Г. аттуу жарандан арыз түшкөн. Ал белгисиз адамдарга каршы чара көрүүнү өтүнүп кайрылган, деп билдирет Бишкек шаардык Ички иштер башкармалыгынын маалымат кызматы.
Арыз берүүчү алдамчыларды ГКНБ, Ички иштер министрлиги жана Улуттук банк кызматкерлери катары тааныштырганын айтып берген. Алар анын ишенимине кирип, алдамчылык жолу менен акчаны банкомат аркылуу өзүнүн банк картасына өткөрүүнү ишендиришкен.
Натыйжада, аталган адамдар 22 миллион 130 миң сомго ээ болушкан.
Окуя боюнча Кыргыз Республикасынын Кылмыш кодексинин "алдамчылык" беренеси боюнча кылмыш иши козголгон.
Оперативдүү-издөө иш-чараларынын жүрүшүндө шектүүлөрдүн жеке жактары жана жайгашкан жерлери аныкталган.
Алардын бири, 2005-жылы туулган А.К. аттуу жаран "дроппер" ролун ойноп, өз атына катталган банк картасын саткан. Кейинчерээк бул карта уурдалган каражаттарды өткөрүү үчүн колдонулган. Шектүү тергөө органдарына жеткирилген жана ИВСке жайгаштырылган.
Экинчи кармалган, 2006-жылы туулган Э.К. аттуу жаран "дроповод" катары иш алып барып, Telegram мессенджери аркылуу башка колдонуучулардын банк карталарын сатып алган. Ал дагы кармалып, убактылуу кармоо жайына жайгаштырылган.
Учурда бул кылмышка катышкан башка адамдарды аныктоо боюнча аракеттер улантылууда.
