Социалдык тармактагы баракчасында ал мыйзамга ылайык, тергөө изоляторлорунда жаткан адамдардын жакындары менен аптасына бир жолу 15 мүнөттүк телефон сүйлөшүүсүнө укугу бар экенин белгиледи. Бирок, анын айтымында, бул укук аткарылбай жатат.
ГСИНдин басма сөз кызматы Карасартованын айыптоолоруна жооп берип, анын билдирүүлөрүн четке какты.
Ведомстводо СИЗОго киргенде айыпталуучулар укуктары жана милдеттери, ошондой эле күн тартиби жана мекеменин иш режими менен таанышып чыгарын такташты. ГСИН бул маалыматтын кол коюу менен берилерин кошумчалады.
Мындан тышкары, басма сөз кызматы айыпталуучулардын укуктары жана милдеттери тууралуу ички тартип эрежелеринин үзүндүлөрү камералардын ичинде жайгашкан маалымат стенддеринде орун алганын белгиледи.
ГСИН бардык аракеттер мыйзамдын талаптарына ылайык жүргүзүлөрүн баса белгилеп, сотто өз позициясын коргоого даяр экенин билдирди.
