Билдирүүдө "Саламаттык сактоо министрлиги ар дайым мыйзамдуулукту, бейтаптардын жана медициналык кызматкерлердин укуктарын коргоону колдойт, адилеттүү юридикалык баа берип, фактыларга жана профессионалдык экспертизага гана таянып иш алып барат", - деп белгиленген.
Саламаттык сактоо министри Каныбек Досмамбетов маалымат алгандан кийин, тиешелүү мамлекеттик органдар менен дароо байланышып, иштин бардык жагдайларын кылдат, кеңири жана обьективдүү изилдөөнүн маанилүүлүгүн белгиледи, медициналык жана эксперттик корутундуларды эске алуу менен, эркинен ажыратпаган чараларды колдонуу мүмкүнчүлүгүн карап чыкты.
Ведомстводо баланс сактоонун зарылдыгын баса белгилешти: мыйзам бузууларды жашыруу да, медициналык кызматкерлерди негизсиз куугунтуктоо да болбойт. Ар бир иш боюнча акыркы чечим фактылар жана көз карандысыз медициналык экспертиза негизинде кабыл алынышы керек", - деп кошумчалашты басма сөз кызматы.
Эскерте кетсек, 18-февралда Бишкекте нефролог дарыгери, медицина илимдеринин кандидаты жана доцент Насира Бейшебаева кармалган. Бишкек ШИИБинин маалыматына ылайык, 2024-жылы медициналык мекемеде дарыланган бейтаптардын биринин энеси дарыгердин катачылыгы тууралуу арыз жазган. Бул арызга ылайык, нефролог дарыгери 2011-жылы төрөлгөн К. А. аттуу өспүрүмгө жардам көрсөтүү учурунда тиешелүү эмес дарылоону жүргүзгөн, бул болсо оор кесепеттерге - оң буттун ампутациясына алып келген. Ошентип, КРнын Кылмыш-жаза кодексинин 146-беренесинин 2-бөлүгү боюнча "Медициналык же фармацевтикалык кызматкер тарабынан профессионалдык милдеттерди туура эмес аткаруу, бул болсо сактыксыздык менен оор зыянга алып келген" боюнча кылмыш иши козголгон.
Соттук-медициналык экспертизалардын жыйынтыктарынын негизинде шектүүгө айып коюлуп, ал кармалып, Бишкек ШИИБинин убактылуу кармоо жайына жайгаштырылган.
НЦОМиДдин жамааты социалдык тармактарда Кыргызстандын президенти Садыр Жапаровго бул иш боюнча обьективдүү тергөө жүргүзүүнү өтүнүштү. Дарыгерлер Бейшебаевага камакка алынбаган чараларды колдонуу мүмкүнчүлүгүн карап чыгууну да суранышууда.
