Управлениенин басма сөз кызматынан билдиришкендей, 2025-жылдын 28-августунда З. С. укук коргоо органдарына Улуттук энелик жана балалыкты коргоо борборундагы болжолдуу дарыгерлик ката тууралуу арыз менен кайрылган.
Арызда келтирилген маалыматтарга ылайык, 2024-жылдын октябрь айында нефролог дарыгер Н. Б. 2011-жылы төрөлгөн К. А.ны дарылоодо туура эмес дарылоону жүргүзүп, бул оор кесепеттерге — оң буттун ампутациясына алып келген.
Соттук-медициналык экспертизалардын жыйынтыктарына ылайык, шектүүгө каршы айып коюлган. Учурда ал кармалып, Бишкек ГУВДсынын убактылуу кармоо жайында жатат.
