Жалобочу 2024-жылдын 22-январында Селекция айылында 16 сотых жерди $200 миңге сатып алганын айтты. Кийинчерээк сатуу ишин ээлери эмес, башка адамдар жүргүзгөнү аныкталды. Натыйжада акчаны кайтаруу чечими кабыл алынды, бирок болгону $57 500 кайтарылды, калган 12 млн 281 миң 156 сом кайтарылган жок.
Бул окуя Кыргыз Республикасынын Кылмыш кодексинин 209-беренесине ("Алдамчылык") ылайык катталган.
Милиция кызматкерлери шектүүнү кармап, анын жеке башын аныкташты — ал 1985-жылы туулган У.М. болуп чыкты. Ал убактылуу кармоо жайына жайгаштырылды.
Ошондой эле дагы бир кылмышкердин жеке башы аныкталды, ал учурда издөөдө.
Тергөө уланууда.
