Маалыматка караганда, 2026-жылдын 1-февралында милицияга Талас районунан 53 жаштагы эркек киши арыз менен кайрылган. Ал январь айынын аягында сарайынан эки козу уурдалганын билдирген. Бул арыздын негизинде Кыргыз Республикасынын Кылмыш-жаза кодексинин 205-1-беренесинин 3-бөлүмүнүн 4-пункту («Мал уурдоо») боюнча кылмыш иши козголгон.
Оперативдик иш-чаралардын жүрүшүндө криминалдык милиция шектүүлөрдүн изине чыкты. Натыйжада, Айтматов районунда жашаган 38 жаштагы Ж.Р. кармалды. Учурда ал убактылуу кармоо жайында жатат.
Ошондой эле анын болжолдуу шериги — 42 жаштагы Т.Н. издөөдө, ал дагы Айтматов районунун тургуну. Милиция анын кайда экенин аныктоо боюнча иштерин улантууда.
Тергөө учурунда кармалган Ж.Р. көптөгөн окшош кылмыштарга катыштыгы бар экени аныкталды. Учурда мал уурдоо боюнча 12 учур белгилүү болду. Шектүүнүн туугандарынан жүргүзүлгөн тинтүү учурунда 3 сиыр жана 11 козу менен 14 баш мал табылды.
Бардык табылган мал мыйзамдуу ээлерине кайтарылды.
