Мурда Ички иштер бөлүмүнүн кызматкерлери М.Д.га карата үй-бүлөлүк зомбулук боюнча бир нече жолу чара көрүшкөн, коргоо ордерлерин чыгарган. Бул чараларга карабастан, эр киши мыйзамсыз аракеттерин токтотпой, жубайына физикалык жана моралдык зыян келтире берди.
Алынган маалыматтарга ылайык, шектүүнүн аракеттери кыйноо катары квалификацияланды. Свердлов районунун Ички иштер бөлүмүнүн тергөө кызматы Кыргыз Республикасынын Кылмыш кодексинин 138-беренесинин 3-бөлүмү боюнча кылмыш ишин козгоду.
Ички иштер бөлүмүнүн кызматкерлери 46 жаштагы эр кишини кармашып, тергөө кызматына жеткиришти. Ал Кылмыш-процессуалдык кодексинин 96-беренесине ылайык Бишкек Шаардык Ички иштер башкармалыгынын убактылуу кармоо жайына жайгаштырылды.
Учурда бул кылмыш ишинин алкагында бардык зарыл тергөө аракеттери жана процессуалдык иш-чаралар жүргүзүлүүдө.
