Свердлов районунун Ички иштер башкармалыгынын маалымат кызматына ылайык, 1-февралда аял милицияга окуя тууралуу арыз менен кайрылган. Ал ошол эле күнү, Төмөнкү Ала-Арча жайгашкан үйүндө, күйөөсү аны атып коркутуп, урганын айтып берген.
Бул окуяга байланыштуу Тергөө кызматы Кыргыз Республикасынын Кылмыш-жаза кодексинин 138-беренесинин 2-бөлүмү (Зомбулук) боюнча кылмыш ишин козгоду.
Укук коргоо органдары 55 жаштагы К.О. аттуу эркекти кармашты, ал учурда убактылуу кармоо жайында жатат.
Ошондой эле, азыр экспертизадан өтүп жаткан пистолет алынды.
Иштин тергелиши уланууда.
