Маалыматтарга ылайык, 30-январда Ысык-Ата районунун Ички иштер бөлүмүнө 29 жаштагы Д.Т. аттуу жаран кайрылган. Ал 2026-жылдын 19-январында белгисиз адам «Lalafo» аркылуу сатып алуучу болуп көрүнүп, анын менен кат алышууга киришкенин билдирген. Жаш жигиттин ишеними менен алдамчы 15 баш койду ээлеп, алардын акчасын төлөбөй кеткен. Натыйжада, жабырлануучу 435 000 сомдук зыянга учураган.
Бул окуя боюнча Кыргыз Республикасынын Кылмыш кодексинин 209-беренеси (Алдамчылык) боюнча кылмыш иши козголду. Оперативдүү-издөө иш-чараларынын жүрүшүндө 28 жаштагы Ш.Ш. аттуу шектүү кармалды. Уурдалган жаныбарлар анын тарабынан сатылганы жана алынган каражаттар жеке муктаждыктар үчүн колдонулгандыгы аныкталды. Тергөө уланууда.
