ГКНБнын маалымат кызматынан алынган маалыматка ылайык, бул кызматкер чет өлкөлүк жарандардын кыргыз-узбек чек арасынан өтүүсүн жеңилдетүү үчүн акча алуу максатында системалуу түрдө делдалдарды колдонуп келген. Мындан тышкары, ал чек арада мыйзамсыз ишмердик менен алектенген айрым адамдарга колдоо көрсөткөн.
Кармалгандан кийин шектүү ГКНБнын убактылуу кармоо жайына жайгаштырылды.
Учурда мамлекеттик чек араны кесип өтүүдө жарандар үчүн ыңгайлуу шарттарды түзүү жана бул кылмышка байланыштуу башка чиновниктерди аныктоо боюнча иштер жүргүзүлүүдө, деп белгилешти мамлекеттик комитетте.
