МУККнын маалыматына ылайык, Бишкектин Первомай районунун ички иштер башкармалыгы (ИИБ) жана МЖАК менен кызматташтыкта, МЖАКтын кызмат адамдары жана ИИБ кызматкерлери соттолгондордун бири боюнча кечирим берүү маселесин чечүүгө убада берип, акча алышкан.
Тергөөнүн натыйжасында, кызматкерлер алдын ала сүйлөшүп, соттолгондон акча алып, ага кечирим берүү актын алуу боюнча жардам көрсөтүүгө кепилдик беришкен.
Такталган фактылар боюнча, МЖАКтын ИУ-16 кызматкери Ж.Д. жана Первомай районунун ИИБ кызматкери Т.Н., ИУ-1 МЖАКтын соттолгонуна ишенимин пайдаланып, 2024-жылдын декабрынан 2025-жылдын апрелине чейин чоң суммадагы каражатты өздөштүрүшкөн. Бирок, кийинчерээк соттолгондун кечирим берүү өтүнүчү четке кагылган.
Жогоруда айтылганга байланыштуу, МУККнын Башкы тергөө башкармалыгы Кылмыш кодексинин 209-беренесинин 4-бөлүгүнүн 4-пункту (Алдамчылык) боюнча кылмыш ишин ачты. Кармалгандар МУККнын убактылуу кармоо жайына жайгаштырылды.
