1978-жылы Сузак районунун «Плодородие» айыл чарба бирикмесине авиациялык тейлөө үчүн бөлүнгөн бул участок, өлкөнүн азык-түлүк коопсуздугун камсыздоо жана агрардык секторду өнүктүрүү үчүн маанилүү болгон. Бирок реформалар жана айыл чарба ишканаларынын кулашы учурунда, коррупциялык схемалардын жардамы менен аэродром мыйзамсыз түрдө жеке колго өткөрүлгөн.
Маалыматка ылайык, 2003-жылы Багыш айылдык округунун жетекчиси «М.Ж.» өз ыйгарым укуктарынан пайдаланып, мамлекеттин кызыкчылыктарын эске албай, көрсөтүлгөн участокту өз тууганы «М.С.»га өткөрүү боюнча мыйзамсыз чечим кабыл алган. Жүргүзүлгөн тергөө-оперативдик иш-чаралардын натыйжасында 12,8 га аянттагы участок муниципалдык менчикке кайтарылды», — деп айтылат маалыматта.
Учурда Кыргыз Республикасынын ГКНБсы мурда айыл чарба химиясы системасына таандык болгон бардык жерлердин мыйзамдуулугун текшерүүдө, жана бул текшерүүнүн натыйжаларына ылайык Кыргызстандын күчүндө болгон мыйзамдарга ылайык зарыл чаралар көрүлөт.
