12,8 гектарды ээлеген участок 1978-жылы Сузактагы «Плодородие» бирикмесине айыл чарба жерлерин авиациялык тейлөө үчүн берилген. Бул объект агрардык сектордун өнүгүшү жана региондогу азык-түлүк коопсуздугун камсыздоо үчүн маанилүү болгон.
Тергөөнүн органдары 2003-жылы Багыш айыл өкмөтүнүн башчысы болуп турган М.Ж. мыйзамды бузуп, участокту анын тууганы М.С.га өткөрүү боюнча мыйзамсыз чечим кабыл алганын аныкташты.
Жүргүзүлгөн оперативдик иш-чаралардын натыйжасында 12,8 гектардык жер толугу менен муниципалдык менчикке кайтарылды.
Учурда УКМК айыл чарба химиясы ишканаларынын мурунку менчигинде болгон бардык жерлердин мыйзамдуулугун текшерүүдө.
Комплексдүү текшерүүнүн жыйынтыгы боюнча ведомство учурдагы мыйзамдарга ылайык тиешелүү чараларды көрөт.
