Талас облустук мамлекеттик архитектуралык-курулуш контролунун инспекторлору Айтматов районундагы Чон-Кара-Буура айылына жакын асфальт-бетон заводун тапты. Курулуш милдеттүү каттоосуз жүргүзүлгөн, текшерүү учурунда объект 70% даяр болгон, ал эми завод өз ишин баштап койгон.
Министрликтин сүрөтү. Талас шаарында каттоосуз асфальт-бетон заводун курушкан
Рейддин натыйжасында ОсОО «Гранит Транс Сервис» компаниясына айып пул салуу жөнүндө чечим кабыл алынды, ошондой эле белгиленген тартипте каттоодон өтүү жөнүндө буйрук берилди.
Рейддик иш-чаралар Талас шаарындагы бардык курулуш объекттерин текшерүү боюнча туруктуу негизде улантылып жатканын белгилеп өтүү керек.
Курулуш реестри — бул курулуш объекттери, подряддык жана долбоордук уюмдар, ошондой эле мыйзам талаптарына ылайык уруксат берүүчү жана долбоордук документация жөнүндө маалыматты камтыган эсепке алуу системасы.
