Талас облустук мамлекеттик архитектуралык курулуш контролунун башкармалыгы тарабынан жүргүзүлгөн текшерүү учурунда асфальт-бетон заводунун расмий реестрге катталбай курулуп жатканы аныкталды.
Завод 78-чи контуруна, Айтматов районундагы Чон-Кара-Буура айылына жакын жайгашкан. Алдын ала маалыматтар боюнча, курулуш 70%га аякталган жана завод өз ишин баштап алган.
«Текшерүүнүн натыйжасында ОсОО «Гранит Транс Сервис» боюнча жазуу түрүндөгү эскертүү берилди, учурда күчүндө болгон мыйзамга ылайык зарыл чаралар көрүлүүдө», - деп айтылат расмий билдирүүдө.
Курулуш министрлиги бардык курулуш менен алектенген компаниялар жана жеке ишкерлерди мыйзамдын белгиленген нормаларына жана эрежелерине так сакталып иш алып барууга чакырат.
Маалымат:
Кыргызстандын Юстиция министрлигинин маалыматына ылайык, ОсОО «Гранит Транс Сервис» 2020-жылы катталган. Компаниянын негиздөөчүсү жана жетекчиси Курманалиев Айбек Султанмуратович.
