Башкы прокуратуранын маалыматына ылайык, текшерүү учурунда 2007-2008-жылдары жалпы аянты 196,83 гектар болгон жер участкалары жергиликтүү өз алдынча башкаруу органдары тарабынан мыйзамсыз түрдө жеке менчикке берилгендиги аныкталган. Улахол, Ак-Терек, Мамбетов жана мурдагы Тон (азыркы Кун-Чыгыш) айыл өкмөттөрү.
Бул жерлер мыйзамдуу негиздерсиз мамлекеттик фонддон чыгарылып, көп жылдар бою жеке менчик катары колдонулган. Прокуратуранын аракеттеринин натыйжасында, 112 миллион сомдук баага ээ болгон участоктор мамлекеттик менчикке кайтарылды.
Прокуратура мыйзамсыз жер участокторун аныктоо жана алдын алуу боюнча иштер улантылып жатканын билдирет.
