Кыргыз Республикасынын Мамлекеттик салык кызматынын кызматкерлери тарабынан өткөрүлгөн рейддин жүрүшүндө Манас шаарында мыйзамсыз тамеки соодасы аныкталды. Бул тууралуу салык ведомствосунун басма сөз кызматы маалымдады.
Шаардын борбордук базарында, жашыруун жайлардын биринде, 6 миң 12 пачка сигарет табылган, алардын жалпы баасы 721 миң 440 сомду түздү.
Табылган тамеки продукциясы зарыл болгон документтер жана акциз маркалары жок экендиги белгиленди.
«Бул окуя боюнча жеринде Кыргыз Республикасынын мыйзамдарына ылайык баштапкы процессуалдык документтер түзүлдү. Учурда текшерүү материалдары укук коргоо органдарына өткөрүү үчүн даярдалып жатат, алар юридикалык баа берип, тиешелүү процессуалдык чечим кабыл алышат», - деп айтылат билдирүүдө.
