Бишкекте, 19-январда, мэриянын Транспорт жана жол-транспорт инфраструктурасын өнүктүрүү департаментинин «Бишкек шаардык транспорт» муниципалдык ишканасынын кызматкери кармалды. Ал 1 млн сом өлчөмүндөгү пара алып жаткан жеринен колго түшүрүлгөн.
ГКНБнын маалымат кызматынын билдирүүсүнө караганда, аталган муниципалдык ишкананын мамлекеттик сатып алуулар бөлүмүнүн айрым кызматкерлери тендердин суммасының 10%ын системалуу түрдө талап кылышкан, жасалма тоскоолдуктарды жаратып, аткарылган иштер үчүн төлөмдү кечиктиришкен.
Оперативдүү-тергөө иш-чараларынын натыйжасында, А.К.Ш. баш тамгалары менен белгиленген МП кызматкери кармалып, ГКНБнын СИЗОсуна камакка алынды.
Учурда муниципалдык кызматкерлердин аракеттерин юридикалык баалоо жана бул ишке тиешеси бар башка адамдарды аныктоо боюнча иш-чаралар жүргүзүлүүдө.
