67 жаштагы аял 3-январда Сокулук районунун Ички иштер бөлүмүнө уулунун жүрүм-туруму боюнча тынчсыздануусун билдирип кайрылган. Анын айтымында, уулу спирт ичимдигин ичкен абалда, аны дайыма физикалык жана психологиялык зомбулукка дуушар кылып келген.
Бул маалыматтардын негизинде Кыргыз Республикасынын Кылмыш кодексинин 138-беренеси ("Зомбулук") боюнча кылмыш иши козголду.
Укук коргоо органдары 45 жаштагы Ш.А.ны кармашты, ал учурда убактылуу кармоо жайында жатат.
Учурда иштин иликтөөсү уланууда.
