Бул окуя 2025-жылдын 15-январында, болжол менен 15:00дө, Араван районунун айылдык аймагындагы Ош-3000 көчөсүндө болгон.
Патрулдоо учурунда райондук ООБДД кызматкерлери жолдо агрессивдүү жана коопсуз эмес жүрүм-туруму менен айырмаланган айдоочунун унаасын токтотушкан. Текшерүү учурунда унаада жасалма номерлер орнотулгандыгы аныкталды.
Окуянын натыйжасында айдоочуга эки административдик протокол түзүлүп, 35 миң сом өлчөмүндө айып пул салынды.
Мындан тышкары, унаа айып пул токтотуучу жайга коюлду.
