2025-жылы Кыргызстанда 8000ден ашык ЖОЖ катталган

2025-жылы Кыргызстанда 8 миңден ашык Жол кырсыгы катталган.
Кырсыктарга алып келген негизги факторлорго ылдамдыкты ашыруу, туура эмес маневрлерди жасоо, каршы тилкеге чыгуу, алкоголдук мас абалда унаа айдоо, кесилиштерде чара көрбөө, жол белгилерин эске албоо жана аралыкты сактабоо кирет.

Бул маалыматтар бүгүнкү күндө 2025-жылга карата Ички иштер министрлигинин Жол кыймылынын коопсуздугун камсыздоо башкы башкармалыгынын оперативдик-ишмердүүлүгүнүн жыйынтыктарына арналган жыйында айтылды.

Жыйында Ички иштер министринин орун басары Октябрь Урмамбетов, Ички иликтөө кызматынын башчысы Улан Бийбосунов, Жол кыймылынын коопсуздугу башкармалыгынын башчысы Азенбек Козукеев жана башка аймактык бөлүмдөрдүн жетекчилери катышты.

Иш-чаранын башында мыкты кызматкерлер сыйланды, андан кийин жетишкендиктер жана кемчиликтер талкууланды. Ички иштер министринин орун басары кызматтык дисциплинаны катуу сактоого, кызматкерлердин кесиптик даярдыгын жогорулатууга жана кызматка кабыл алууда контролду күчөтүүгө, ошондой эле айдоочуларга туура мамиле кылууга чакырды.

Цифрландыруу, кызмат көрсөтүү подходун өнүктүрүү, жергиликтүү өз алдынча башкаруу органдары менен өз ара аракеттенүү жана таксисттерге лицензия берүү боюнча контролду күчөтүү, ошондой эле жол кырсыктарын алдын алуу маселелерине өзгөчө көңүл бөлүндү.

Талкуунун жыйынтыгы боюнча аныкталган кемчиликтерди мүмкүн болушунча тез арада жоюу боюнча көрсөтмө берилди, бир катар кызматкерлерге дисциплинардык чаралар колдонулду.