ГКНБ Жайыл райондук ИИБнин кызматкерин кармады

15-январда ГКНБнын маалымат кызматы пара талап кылууда шектелген милиция кызматкеринин кармалганы тууралуу маалымдады.

КРнын Кылмыш кодексинин 343-беренеси («Пара талап кылуу») боюнча козголгон кылмыш ишинин алкагында 13-январда Жайыл районунан милиция капитаны Ж.А.Ж. 150 миң сом алууга аракет кылып кармалган. Операция Ички иштер министрлигинин Ички тергөө кызматы менен биргеликте жүргүзүлүп, кармалган адам убактылуу кармоо жайына жайгаштырылган.

Тергөө маалыматтарына ылайык, милиционер кылмыш ишин токтотуу үчүн пара талап кылган.

Учурда тергөө уланууда.