Укук коргоо органдарынын маалыматына ылайык, 11-январь түнкү убакта милицияга облустук оорукананын кызматкерлеринен сигнал келип түшкөн. Алар белгисиз бир кишинин оор абалда тез жардам менен жеткирилгенин билдиришкен.
Ошол эле күнү Талас районунун тургуну Э.С. укук коргоо органдарына кайрылып, өз атасы, 56 жаштагы Э.Ж. өлгөнүн айтып, окуянын күнөөлөрүн аныктоону жана тиешелүү чараларды көрүүнү өтүнгөн.
Арзытуу катталып, алдын ала текшерүү башталды. Оперативдик иш-чаралардын натыйжасында милиция кызматкерлери шектүү Т.Б., 46 жаш, Талас районунун дагы бир тургунун кармашкан.
Алдын ала маалыматтар боюнча, Т.Б. жана Э.Ж. биргеликте алкоголь ичишкен. Алардын ортосундагы чыр учурунда Т.Б. Э.Ж.ны таяк менен башынан урган, андан кийин жабырлануучу ооруканада көз жумган. Өлүм боюнча соттук-медициналык экспертиза дайындалды.
Кармалган адамга карата кылмыш иши козголуп, ал убактылуу кармоо жайына жайгаштырылды. Текшерүү иштери уланууда.
