ТАССтын маалыматына ылайык, кырсык 11-январда таңкы сааттарда болгон. Кеме катуу зыянга учурап, соккудан кийин чөгүп кеткен.
Таиланддын провинциясындагы башкы консул Егор Иванов катерде 33 россиялык, ошондой эле Казакстан, Кыргызстан, Өзбекстан жана башка өлкөлөрдүн жарандары болгонун билдирди. Тилекке каршы, кырсыктын натыйжасында 2008-жылы туулган россиянка каза болду.
Сырткы иштер министрлиги катерде эки кыргызстандык жарандын бар экенин тастыктады. Кыргызстандын Малайзиядагы элчилиги алар менен байланыш орнотту.
Алдын ала маалыматтар боюнча, кыргызстандыктар оор жаракат алган эмес, алардын абалы туруктуу. Алар медициналык жардамдан жана госпитализациядан баш тартты.Элчилик кырдаалды көзөмөлдөп, жарандары менен байланышта болууну улантууда. Алардын 15-январда мекенине кайтып келиши күтүлүүдө.
