Маалыматка ылайык, Араван РОВДнын кызматкерлери коомдук жерлерде жана көчөлөрдө укук бузууларды жана кылмыштуулукту алдын алуу максатында «Селсаяк» («Бродяга») аттуу акция өткөрүштү.
Иш-чаранын алкагында туруктуу жашоо жайы жок адамдарды, ошондой эле кайырчылык менен жашаган адамдарды аныктоо боюнча иштер уюштурулду.
Өткөрүлгөн иш-чаранын натыйжасында кайырчылык менен алектенген 7 жаран табылды, алар менен түшүндүрүү иштерин жүргүзүштү.
Мындан тышкары, укук коргоо органдары ар кандай жерлерде түнөгөн эки үй-бүлөсүз адамдын жеке маалыматтарын аныкташты. Алардын жакындары ушул адамдардын суук аба ырайында көчөдө өлүмгө учурашынын алдын алуу маанилүүлүгүн талкуулоо үчүн чакырылды.
