Өрт карылар үйүндө. Кылмыш иши козголду

Бишкекте Карылар үйүндөгү өрт фактысы боюнча кылмыш иши козголду, деп билдиришти Первомай районунун Ички иштер башкармалыгынан.

Учурда өрт-техникалык экспертиза дайындалды жана тергөө Кыргыз Республикасының Кылмыш кодексинин «Өрт коопсуздугунун эрежелерин бузуу» беренеси боюнча жүргүзүлүүдө.

Эскерте кетсек, инцидент 6-январда паллиативдик бөлүмдүн палатасында орун алган, анда өрт чыккан. Трагедиянын натыйжасында эки оор бейтап каза болду.

Табигый кырсыктар министрлигинин маалыматына ылайык, өрттү өчүрүүгө төрт өрт өчүрүүчү бригада жана оперативдик штаб тартылган. От өчүрүлдү, бирок инциденттин натыйжасында 11 адам, анын ичинде бир өрт өчүрүүчү ооруканага жаткырылды.