Акыркы убакта социалдык тармактарда Аламедин айылындагы жеке үйлөрдүн биринде жаштарга карата жасалган зомбулук актылары тартылган видео пайда болду. Бул кадрлар кеңири коомдук резонанс жаратты.
Окуя боюнча Кыргыз Республикасынын Кылмыш-жаза кодексинин 280-беренеси («Хулигандык») боюнча кылмыш иши козголду. Шектүү, 1993-жылы туулган Ф.В. аттуу жаран кармалып, убактылуу кармоо жайына жайгаштырылды. Учурда тергөө жүрүп жатат.
Свердлов районунун Ички иштер башкармалыгы зомбулуктун ар кандай көрүнүштөрү, физикалык же психологиялык болобу, ошондой эле адамдын кадыр-баркын төмөндөтүү, учурдагы мыйзамдарга ылайык кылмыш жоопкерчилигине тартыларын эскертет.
