Аламедин айылындагы зомбулукка байланыштуу видео. Свердлов райондук ички иштер башкармалыгынын жетекчилигинин көзөмөлүндө текшерүү жүргүзүлүүдө.

6-январда Свердлов районунун Ички иштер башкармалыгы «Сводка АКИpress» редакциясына Аламедин айылындагы жеке үйдө жаштарга карата зомбулук аракеттери тартылган видеотасмалар боюнча алдын ала текшерүү башталганын билдирди.

Милиция кызматкерлери бул окуяга тиешеси бар бардык адамдардын аныкталып, суракка алынганын такташты.

«Текшерүүнүн жыйынтыгы боюнча Кыргыз Республикасынын Кылмыш-процессуалдык кодексине ылайык процессуалдык чечим кабыл алынат, бул тууралуу кошумча маалымат берилет. Бул окуя Свердлов райондук Ички иштер башкармалыгынын жетекчилигинин көзөмөлүндө», - деп кошумчалашты пресс-кызматта.