Бул жолугушууларда Кыргыз Республикасындагы энергетикалык сектордогу инвестициялык долбоорлорду ишке ашыруу мүмкүнчүлүктөрү талкууланды. Сүйлөшүүлөрдө гидроэнергетика, жаңылануучу энергия булактары, көмүр өнөр жайы, ошондой эле энергетикалык инфраструктураны модернизациялоо жана санариптик чечимдерди киргизүү темалары камтылды.
KEC International Limited жана CraticAI Services Private Limited компаниялары менен сүйлөшүүлөрдүн жыйынтыгында энергетика тармагында өз ара пайдалуу кызматташтыкты өнүктүрүүгө жана биргелешкен долбоорлорду ишке ашырууга багытталган эки түшүнүшүү меморандуму кол коюлду.
2026-жылдын 21-мартында министр Нойда шаарында жайгашкан NTPC Limited компаниясынын күн энергия станциясын зыярат кылды. Ал электр энергиясын өндүрүүнүн заманбап технологиялары жана энергияны сактоонун жаңы ыкмалары, анын ичинде электр энергиясын топтоо системалары менен таанышып чыкты.
