Энергетика министрлигинин маалыматына ылайык, министрлер талкуу учурунда эки өлкөнүн энергетикалык секторлорунун учурдагы абалын карап, жаңылануучу энергия булактары, гидроэнергетика, көмүр өнөр жайы, энергетикалык инфраструктураны модернизациялоо жана адистерди квалификациясын жогорулатуу боюнча кызматташуу мүмкүнчүлүктөрүн талкуулашты.
Кыргызстан Индиянын ири энергетикалык инициативаларды ишке ашыруу жана заманбап технологияларды киргизүү боюнча тажрыйбасын изилдөөгө кызыкдар.
CASA-1000 долбоорун талкуулоодо тараптар индиялык компаниялардын долбоорду ишке ашыруудагы салымына көңүл буруп, аталган долбоорду убагында аяктоонун зарылдыгын белгилешти.
Мындан тышкары, жолугушуунун катышуучулары Кыргызстандагы инвестициялык долбоорлор контекстинде NTPC Limited жана NHPC Limited сыяктуу ири индиялык энергетикалык компаниялар менен кызматташууну кеңейтүүнүн мүмкүн болгон жолдорун белгилешти.
Жолугушуунун жыйынтыгында Кыргызстан индиялык делегацияны 2026-жылдын июнь айында Кыргызстанда өтө турган Шанхай кызматташтык уюмунун мүчө өлкөлөрүнүн энергетика министрлеринин жыйынына катышууга чакырды.
