Предприятиянын маалыматына ылайык, капиталдык оңдоо 6–10/0,4 кВ чыңалуудагы 284 трансформаторду камтыйт, ал эми 1632 трансформатор техникалык тейлөөгө алынат.
Ошондой эле аба электр өткөргүчтөрүндө иштер жүргүзүлөт. Капиталдык оңдоо 6–10/0,4 кВ чыңалуудагы 1538 км линияларда жүргүзүлөт, ал эми 3847 км линия техникалык тейлөөгө алынат.
220/110/35 кВ жогорку чыңалуу линиялары боюнча 1400 км тармакты текшерүү пландаштырылууда, анын ичинен 20 км капиталдык оңдоодон өтөт, ал эми 1380 км учурдагы оңдоодон өтөт. Мындан тышкары, 8772 жаңы айнек изолятор орнотулат.
Оңдоо иштерине подстанциялар да кирет: алардын 45и пландалган учурдагы оңдоодон өтөт, беши капиталдык оңдоодон өтөт.
Электр энергиясын өткөрүү системасын автоматташтыруу алкагында 2026-жылы Баткен облусунда 54 587 интеллектуалдык эсептөө приборун (АСКУЭ) орнотуу пландалууда. Мындан тышкары, айрым айылдарда 32 км өзүн-өзү көтөргөн изоляцияланган СИП-2 жана СИП-3 проводдорун тартуу пландаштырылууда.
