Жаңы токтомго ылайык, отурукташкан зергерлик буюмдарын өндүрүүчүлөр Лондондук драгоцен металлдар рыногунун ассоциациясынын (LBMA) фиксингинен 2% арзандатуу менен драгоцен металлдарды сатып ала алышат.
Каржы министрлигине драгоцен металлдарды сатуу үчүн зарыл болгон каражаттарды бөлүүнү камсыз кылуу тапшырылды.
Мындан тышкары, драгоцен металлдар жана таштар менен иштеген сатып алуу пункттары жана ломбарддар, белгилүү чектөөлөрдөн тышкары, драгоцен металлдардан жасалган зергерлик буюмдарды жана металл сыныктарын драгметаллдар жана таштар боюнча саясатты жүргүзүүгө жооптуу мамлекеттик органга сатууга укуктуу болот.
Бул токтомдун аткарылышын көзөмөлдөө Президенттин жана Министрлер кабинетинин чечимдеринин аткарылышын көзөмөлдөө башкармалыгы тарабынан жүргүзүлөт. Токтом расмий жарыяланган күндөн тартып он күндөн кийин күчүнө кирет.
