Энергетика министрлигинин электр энергиясын өндүрүүнү көбөйтүүгө багытталган демилгеси алкагында, ар кандай гидроэлектр станцияларындагы эски гидроагрегаттарды реконструкциялоо иштери жүргүзүлүүдө.
Учурда жаңы гидроагрегатты орнотууга даярдык көрүлүүдө, негизги жабдуулар станциянын складуна бөлүкчө келип түшкөн.
Долбоордук иштер алкагында бүгүнкү күндө гидроагрегат №2 үчүн жабдуулардын 47,3% жеткирилген, айрым системалар толугу менен жыйналган.
Станцияда активдүү демонтаждоо иштерин жүргүзүүдө, атап айтканда, гидроагрегат №2де турбинанын иштөө дөңгөлөгүнүн камерасын демонтаждоо иштери жүргүзүлүүдө.
Гидроагрегат №1де параллелдүү аракеттер менен турбинанын валын демонтаждоого даярдык көрүлүүдө, ошондой эле жардамчы жабдуулар жана 10,5 кВ чыңалуудагы ток өткөргүчтөр алынып жатат.
Бардык демонтаждалган элементтер ГЭСтин складдарына ташылууда, ал эми долбоорду ишке ашыруу үчүн 80ден ашык адис тартылган.
Гидроагрегаттарды модернизациялоо Уч-Курган ГЭСте 2024-жылы башталганын белгилеп өтүү керек.
Мурда станцияда гидроагрегаттар №3 жана №4 ийгиликтүү жаңыланып, эксплуатацияга берилген.
Учурда гидроагрегаттар №1 жана №2нин реконструкциясы жүрүүдө, ал быйылкы жылдын аягына чейин аяктайт.
Эки агрегатты модернизациялоонун аяктоосунан кийин станциянын кубаттуулугу 198ден 216 МВтка чейин жогорулайт, бул негизги жабдуулардын кызмат мөөнөтүн кыйла узартат.
