Макулдашуунун негизги максаты түз чет элдик инвестицияларды тартуу үчүн укуктук базаны түзүү. Ал инвесторлордун укуктарын жана кызыкчылыктарын коргоого багытталган, алар үчүн ыңгайлуу шарттарды түзүп, инвестициялар менен байланышкан потенциалдуу тобокелдиктерди азайтат.
Макулдашуу «рамка» мүнөзгө ээ жана эки өлкөнүн аймагында иш жүргүзгөн инвесторлордун укуктарын камсыз кылуу үчүн өз ара эл аралык-укуктук кепилдиктерди берүү максатында даярдалган.
Маселенин тарыхы:
Инвестициялар боюнча Улуттук агенттиктен алынган маалыматка ылайык, 2025-жылдын биринчи тогуз айында Италиядан келген инвестициялардын көлөмү болжол менен $2 миллионду түзгөн. Ошондой эле Италияга мүмкүн болгон экспорттун арасында органикалык продукция жана текстиль бөлүнүп көрсөтүлгөн.
