Экономика жана соода министринин орун басары Султан Ахматов мыйзам долбоору боюнча маалымат берди.
Ал мыйзам долбоору ЕАЭС мүчө мамлекеттери менен Монголиянын ортосундагы өз ара соода жана экономикалык кызматташтык деңгээлин жогорулатуу максатында түзүлгөн келишимдин күчүнө киришин карай турганын тактады. Бул келишим өз ара кызыкчылык туудурган тармактарда товарлардын жана капиталдардын эркин кыймылына ылайыктуу шарттарды түзүүгө багытталган.
«Келишимдин алкагында эки тарап үчүн 367 товардык позиция боюнча бажы төлөмдөрүн өз ара төмөндөтүү каралган», - деп кошумчалады баяндамачы.
