Жыйында министрлер эки тараптуу кызматташтыктын абалы жана келечеги боюнча талкуулашты, электр заряддоо станцияларынын инфраструктурасын өнүктүрүүгө жана Кыргызстандагы энергетика тармагына заманбап технологияларды киргизүүгө көңүл бурушту.
Белгилей кетсек, кореялык компания бул тармакта 3500 заряддоо станциясын Республика Кореяда орнотуп, чоң тажрыйбага ээ. Бул анын технологиялык жөндөмдүүлүгүн жана Кыргызстанда долбоорлорду ишке ашырууга даярдыгын көрсөтөт.
Тараптар кызматташтыкты кеңейтүүгө кызыкдар экенин билдиришти, анын ичинде күн энергия станцияларын куруу жана кайра жаңылануучу энергия булактарын өнүктүрүү боюнча долбоорлорду камтыйт.
Энергетика тармагындагы цифрлаштыруу маселелери да талкууланды. Компания заряддоо инфраструктурасын башкаруу үчүн атайын программалык камсыздоону иштеп чыгуу боюнча маалымат сунуштады. Жыйындын жыйынтыгында Кыргыз Республикасынын Энергетика министрлигине система боюнча ачыктыкты жана натыйжалуу башкарууну камсыздоо үчүн кирүү ачкычтарын жана логиндерди өткөрүп берүү боюнча макулдашууга жетишилди.
Энергетика министрлиги бул долбоорлордун жашыл экономикасын өнүктүрүү, инвестициялык кызыкчылыкты жогорулатуу жана кыргыз-корей өнөктөштүгүн бекемдөө үчүн маанилүүлүгүн белгиледи.
Маалымат:
«Blue Networks Co., Ltd.» менен кызматташтык 2024-жылы башталды. Ошол эле жылдын августунда “Чакан ГЭС” ААКсы менен компаниянын ортосунда электр заряддоо станцияларын биргелешип даярдоо жана эксплуатациялоо боюнча өз ара түшүнүшүү Меморандуму кол коюлду.
2025-жылы Кыргызстанда электр заряддоо станцияларын чогултуу, чыгаруу жана орнотуу үчүн өндүрүш ишканасын түзүү боюнча Рамочный келишим түзүлдү.
Бул келишимдердин алкагында ОсОО «Рево Кей Джи» биргелешкен ишканасы түзүлдү, ал эми заряддоо станцияларын чогултуу заводу 2026-жылдын апрель айында ишке киргизилери пландалууда.
2026-жылы Кыргызстанда кореялык компаниядан 300 жаңы электр заряддоо станциясы пайда болот деген маалымат K-News сайтында биринчи жолу жарыяланды.
