Кеңешме учурунда тараптар электр заряддоо станцияларын түзүү үчүн инфраструктураны түзүү жана өлкөнүн энергетика секторунда заманбап технологияларды киргизүү боюнча кызматташтыктын учурдагы абалы жана келечектеги мүмкүнчүлүктөрүнө көңүл бурушту.
2026-жылдын июль айына чейин «Blue Networks» Кыргызстан боюнча 300 автомобилдер үчүн электр заряддоо станцияларын орнотууну пландаштырууда. Компаниянын өкүлдөрү Түштүк Кореяда 3500 окшош заряддоо станциясы ийгиликтүү иштеп жатканын белгилешти.
Компания ошондой эле заряддоо инфраструктурасын башкарууга арналган программалык камсыздоону сунуштады. Жолугушууда Кыргызстандын энергетика министрлигине керектүү кирүү ачкычтарын жана логиндерди берүү боюнча макулдашууга жетишилди.
Мындан тышкары, тараптар күн электр станцияларын куруу жана жаңылануучу энергия булактарын өнүктүрүү боюнча долбоорлорду камтыган кызматташтыкты кеңейтүүгө кызыктар экенин билдиришти.
Маалымат үчүн:
Электр заряддоо станцияларын биргелешип даярдоо жана эксплуатациялоо боюнча өз ара түшүнүшүү меморандуму 2024-жылдын августунда «Чакан ГЭС» ААКсы менен «Blue Networks Co., Ltd.» арасында кол коюлган.
2025-жылы Кыргызстанда электр заряддоо станцияларын жыйноо, чыгаруу жана орнотуу боюнча өндүрүш ишканасын ачуу тууралуу Рамочный келишимге кол коюлду.
Бул келишимдердин алкагында ОсОО «Рево Кей Джи» биргелешкен ишканасы түзүлдү, ал эми электр заряддоо станцияларын жыйноо заводу 2026-жылдын апрель айында ишке киргизилери пландалууда.
