Сапар учурунда Туманов Кыргыз-Британ бизнес кеңешинин жыйынына катышты, анда Улуу Британиянын мамлекеттик жана жеке секторунан 60тан ашык өкүл чогулду.
Ошондой эле орун басар министр Oppenheimer жана Citi инвестициялык банктары менен биргеликте уюштурулган «Кыргыз Республикасы Капиталдык Нарыктар Күнү» иш-чарасына катышты. Бул иш-чарада макроэкономикалык көрсөткүчтөр, фискалдык саясат жана учурдагы структуралык реформалар сунушталды, ошондой эле институционалдык инвесторлор менен жолугушуулар өткөрүлдү.
Кеңешмелердин жүрүшүндө мамлекеттик финансыларды бекемдөө, мамлекеттик карызды башкарууну жакшыртуу, фонддук рынокту өнүктүрүү жана болжолдуу жөнгө салуу чөйрөсүн түзүү боюнча чараларга көңүл бурулду.
Мындан тышкары, Туманов бизнес жана инвестициялык уюмдардын өкүлдөрү менен, анын ичинде DG жана Bankinvest компаниялары менен бир нече эки тараптуу жолугушуулар өткөрдү.
Переговорлордун жүрүшүндө тараптар инвестициялык кызматташтыкты кеңейтүү, Кыргызстан экономикасынын негизги тармактарына жеке капиталды тартуу, ошондой эле инвестициялык долбоорлорду коштоп чыгуу жана кыргыз компанияларын эл аралык рынокторго чыгаруу маселелерин талкуулашты.
Лондондо ошондой эле Кыргыз Республикасынын Министрлер Кабинетинин климаттык финансылык борбору менен Valor Carbon Limited компаниясынын ортосунда өз ара түшүнүшүү меморандуму кол коюлду.
Бул документ көмүртек рыногун өнүктүрүүгө, климаттык долбоорлорду структуралаштырууга жана колдоого, ошондой эле парник газдарынын чыгарылышын азайтуу үчүн жеке инвестицияларды тартууга багытталган.
