Ведомствонун маалыматы боюнча, сүйлөшүүлөрдүн жыйынтыгы боюнча Келишим долбоорунун принципиалдуу макулдашылган вариантына жетишилди.
Экономика министрлиги аталган документке кол коюу эки өлкөнүн мыйзамдарына ылайык бардык зарыл ички процедуралар аяктагандан кийин болот деп тактады.
Ошондой эле министрликте Келишимдин бир өлкөнүн резиденттерин экинчи өлкөнүн аймагында дискриминациялык салык салуудан коргоону камсыздай турганы, ошондой эле салыктан качууну жана Келишимдин шарттарын бузууну алдын алуу боюнча чараларды камтый турганы белгиленди. Мындан тышкары, эки мамлекеттин тиешелүү органдарынын ортосунда маалымат алмашууну колдоо да болот.
