Компаниянын өкүлдөрү учурда курулуш иштеринин 80% аяктаганын белгилешти. Башында долбоор 36 айда аякташы керек болчу, бирок иштердин темпинин тездетилиши менен ишке ашыруу мөөнөтү 24 айга кыскартылды.
Берилген маалыматка ылайык, жылдык электр энергиясынын өндүрүмү 600 миллион кВт·ч түзөт. Долбоорго болгон жалпы инвестициялар 2027-жылдын февралына чейин 280 миллион АКШ долларына жетет. 100 МВт кубаттуулуктагы биринчи кезектеги эксплуатацияга киргизүү 2026-жылдын августуна пландалган, ал эми кийинки кезектери 2027-жылдын августуна пландалган.
Мындан тышкары, Касымалиев Вьетнамдын Rox Energy Global компаниясынын Кызыл-Орук айылында курулуп жаткан күн электр станциясы боюнча долбоор менен да таанышып чыкты. «Ысык-Көл-1» станциясынын курулушу 2025-жылдын сентябрында башталат. Долбоордун жалпы орнотулган кубаттуулугу 1 900 МВт жана жалпы инвестициялар 1,4 миллиард долларды түзөт.
Станция жыл сайын 3,6 миллиард кВт·ч таза электр энергиясын өндүрө алат. Долбоорду ишке ашыруу этап-этабы менен жүргүзүлөт, анын ичинде:
- Биринчи кезек — 150 МВт;
- Экинчи кезек — 450 МВт;
- Үчүнчү кезек — 1 300 МВт.
«Ысык-Көл-1» күн электр станциясынын курулушун аяктоо 2028-жылга пландалган.
