Анын айтымында, Кыргызстан ЕАЭБге кирген учурда бардык катышуучулар өз улуттук стандарттарын биримдиктин жалпы нормаларына, анын ичинде транспорт каражаттарынын осевой жүктөмүнө ылайык келтирүүгө макул болушкан.
Калилов ошондой эле 15 жыл мурун кыргыз жолдорунда 50–60 тонналык оор транспорттун жүрөрү күтүлбөгөнүн эске салды. Учурда бардык жаңы жолдор 11,5 тоннага ылайык долбоорлонууда, ал эми коңшу Казакстанда, Беларуссияда жана Россияда бул көрсөткүч 13 тоннага жетти.
«11,5 тонна параметрлери — бул акыркы деңгээл эмес. 13 тоннага өтүүнү дароо баштоо керек. Болбосо, бул келечекте олуттуу көйгөйлөрдү жаратышы мүмкүн», — деп кошумчалады ал.
Мындан тышкары, мурдагы министр белгилегендей, Кыргызстандагы жаңы жана реконструкцияланган жолдор дагы 11,5 тонна осевой жүктөмдү эске алуу менен долбоорлонууда, анткени мурда кол коюлган келишимдерде дал ушундай талаптар көрсөтүлгөн.
