«Сокулук райондук прокуратурасы тарабынан жүргүзүлгөн текшерүүнүн натыйжасында, Сокулук аралык ооруларды алдын алуу жана мамлекеттик санитардык-эпидемиологиялык көзөмөл борборунун айрым кызматкерлери пландуу текшерүүлөрдү жүргүзүп, жазуу түрүндөгү эскертүүлөрдү берүүнүн жана контролдук текшерүүлөрдү жүргүзүүнүн ордуна мыйзамсыз түрдө айыппулдарды колдонушкан», - деп белгилешти Генпрокуратурадан.
Прокурордук аракеттердин натыйжасында борбордун үч кызматкери боюнча КРнын укук бузуулары жөнүндө Кодексинин 436-беренеси боюнча өндүрүш башталды, жана сот ар бирине 15 миң сом өлчөмүндө айыппул салды. Мындан тышкары, жети кызматкер дисциплинардык жоопкерчиликке тартылды.
Прокуратуранын кийлигишүүсүнүн натыйжасында жеке ишкерлерге салынган үч мыйзамсыз чечим да жокко чыгарылды.
