Иш-чаранын алкагында өкмөт башчынын орун басары Бакыт Торобаев ОАО «Электр станциялары»нын финансылык абалы тууралуу суроо узатып, компаниянын кирешелүүлүк деңгээлине жетип-жетпегени менен кызыкты.
ОАО «Электр станциялары»нын башкы директору Алпбек Садыров 2025-жылдын биринчи алты айында ишкана чындыгында киреше көрсөткөнүн, бирок жылдын жыйынтыгы боюнча, кредиттик милдеттенмелердин кесепетинен жалпы кирешенин жоктугун маалымдады.
Торобаев мурда Бишкектин ТЭЦи 1,5 миллиард сомдук субсидияларга муктаж болгонун тактады.
«Бүгүн биз Бишкектин ТЭЦине 4 миллиард сомдук субсидия бөлүп жатабыз, бул мурда сиздер тарабынан жабылып турган. Эми биз ТЭЦти сиздердин балансынан чыгарып, мэрияга өткөрдүк. Жөнөкөй айтканда, биз сиздерди 4 миллиард сомдук жүктөн куткардык. Эми ошол 4 миллиард сом кайда?» — деп сурады Торобаев.
Алпбек Садыров Токтогул жана Учкурган ГЭСтерин модернизациялоо кредиттердин эсебинен жүргүзүлгөнүн, жана компаниянын алардын төлөмдөрүн өзүнө алууга туура келгенин жооп берди.
Акырында Торобаев Бишкектин ТЭЦин мэриянын башкаруусуна өткөргөндөн кийинки жана андан мурунку финансылык абалын так анализдөө үчүн даярдык көрүүнү өтүндү.
