Ал текстиль тармагы 4 миллиард сомдун тегерегинде, тигүү тармагы 20 миллиард сомдон ашык, ал эми терини иштетүү жана бут кийим өнөр жайы 600 миллион сомдон ашык өндүрүш кылганын тактады.
«2024-жылы 102 ишкана ачылган. 2025-жылга Министрлер кабинетинин буйругуна ылайык 100 жаңы объектти ишке киргизүү пландалган, бирок натыйжада 119 ишкана эксплуатацияга берилди», — деп кошумчалады Карасартов.
Ушул убакка чейин ийгиликтүү долбоорлордун катарында Токмокто текстиль кластеринин экинчи этапын ишке киргизүү, Кара-Балтада текстиль фабрикасын ачуу жана Ошто жаңы ишканада 400гө жакын жумуш ордун түзүү белгиленет.
2026-жылга чейин дагы 100 өнөр жай ишканасын ишке киргизүү пландалган долбоорлордун тизмеси даярдалып, бекитилген.
