Текшерүүнү токтотуу электрондук капчыктар жана QR-коддор менен операциялар үчүн атайын банк эсебинин болушу боюнча талаптарды да камтыйт. Бул чечим 2026-жылдын 31-декабрына чейин күчүндө болот жана төмөнкү режимдерде иштеген салык төлөөчүлөргө таралат:
·
бирдиктүү ставкасы 0 же 0,5 пайыз болгон жөнөкөйлөтүлгөн салык системасы;
·
патенттик система;
·
специальдык соода зоналарында иш жүргүзүү үчүн салык төлөө;
Ошентсе да, мораторий төмөнкү субъекттерге таасир этпейт:
·
салыктык каттоосуз жана/же патент негизинде салык төлөбөй иштегендер;
·
салык органдарына физикалык жана юридикалык жактардан арыздар же доо арыздар келгендер, ошондой эле тергөө органдарынан чечимдери барлар;
·
жумушчулар үчүн салык төлөбөгөндүгү тууралуу тастыкталган маалыматтары барлар;
·
акциздик товарларды айлантуучу — акциздик маркалардын болушун текшерүү боюнча.
Мамлекеттик салык кызматы ишкерлер арасында төлөм жабдыктарын, анын ичинде POS-терминалдарды, электрондук капчыктарды жана QR-коддорду колдонуу боюнча салык мыйзамдарын сактоо маселелери боюнча түшүндүрүү иштерин улантат.
