Талкуу учурунда депутат Айсаракан Абдибаева жаңылануучу энергетика (ЖЭ) тармагындагы ишканалар үчүн преференциялар жана ЖЭ-орундарын куруу үчүн жер участкаларын бөлүп берүү эрежелери, ошондой эле тиешелүү долбоорлорду ишке ашыруу шарттары боюнча суроолорду көтөрдү.
Депутат Кундузбек Сулайманов сунушталган өзгөртүүлөр өлкөнүн энергетика секторунун 25 миллиард сомду түзгөн карызын жарым-жартылай жабууга жардам берет деген пикирди билдирди.
Мындан тышкары, депутат Махабат Мавлянова күн панелдерин колдонуу менен электроэнергетиканы өнүктүрүүгө көңүл бурууну сунуштады.
Мыйзам долбоорунун максаты жаңылануучу энергия булактары боюнча жөнгө салууну жакшыртуу жана бул тармакка инвестицияларды тартуу болуп саналат.
