Бул мыйзам долбоорунун демилгечиси өкмөт башчы болуп саналат.
Мыйзам долбоорунун презентациясын экономика жана соода министри Бакыт Сыдыков өткөрдү.
Ал мыйзам долбоорунда сунушталган өзгөртүүлөр мамлекеттик сатып алуулар менен байланышкан процесстерди оптималдаштырууга жана жөнөкөйлөтүүгө багытталганын белгиледи.
Мындан тышкары, мыйзам долбоору мамлекеттик сатып алуулар тармагында мамлекеттик тапшырма түшүнүгүн киргизет, бул мамлекеттин негизги жана стратегиялык милдеттерин натыйжалуу чечүүгө мүмкүндүк берет.
Министрдин айтымында, «мамлекеттик сатып алууларды жөнгө салуунун жакшыртылышы туруктуу өнүгүүгө жана мамлекеттин институционалдык системасын бекемдөөгө жардам берет».
