Энергетика министринин орун басары Алтынбек Рысбеков кичи гидроэлектр станцияларынан электр энергиясын сатып алуу тарифинин 4,42 сом/кВт.ч деңгээлинде кала турганын билдирди.
Депутат ошондой эле 1,3 коэффициентин жок кылуу чечими эмне себептен кабыл алынганын сурады. Жооп катары, орто мөөнөттүү тарифтик саясатта инвесторлорго инвестициялык долбоорлорду жана мамлекеттик-менчик өнөктөштүк долбоорлорун ишке ашыруу алкагында чет өлкөлүк валютада бааларды белгилөө мүмкүнчүлүгү карала турганы түшүндүрүлдү.
Жыйында ошондой эле «Жаңыланган энергия булактары жөнүндө» мыйзамга өзгөртүүлөрдү киргизүү тууралуу мыйзам долбоору биринчи окууда каралды.
