Энергетика министринин орун басары Алтынбек Рысбеков мыйзам долбоору тууралуу маалымат берди.
Ал аталган документ Кыргыз Республикасының Президентинин инвестицияларды жашыл экономикага, айрыкча отун-энергетика комплекси тармагына тартуу боюнча чыгарган Указына ылайык иштелип чыкканын белгиледи.
Азыркы учурда электр энергиясынын тарифтери Министрлер Кабинети тарабынан улуттук валютада белгиленет.
Талап кылынган мыйзам долбоору инвестициялык долбоорлор жана мамлекеттик-менчик өнөктөштүк долбоорлору үчүн чет элдик валютада бааларды белгилөөгө мүмкүнчүлүк берет. Бул, өз кезегинде, чет элдик инвестицияларды тартууга жана өлкөдөгү жалпы инвестициялык климатты жакшыртууга оң таасирин тийгизиши керек.
Мындан тышкары, мыйзам долбоору ВИЭ тармагындагы чектелген тариф үчүн жеңилдик мезгили түшүнүгүн тактап, долбоорлорду тандоо жана тарифти анын чектелген деңгээлин төмөндөтүү жолу менен аныктоо үчүн «аукцион» деген жаңы терминди киргизет.
Бул өзгөртүүлөр долбоорлорду тандоо процессинде ачыктыкты жогорулатууга жана алардын атаандаштыкка жөндөмдүүлүгүн күчөтүүгө багытталган.
